Los reis maudits: Los posons de la corona, episodi 3

Couv42291537
Titol: Los posons de la corona
 
Autor: Maurice Druon
 
Resumit: "Tots maudits, dinc a la setau generacion!": atau qu'ei la funèsta malediccion que lo capdau deus templèrs, despuish de las halhas deu lenher, que lança a la cara de Philippe le Bel, rei de França. Qu'em en 1314 e la profecia que va se realisar: pendent mei d'un sègle e miei, los reis que's succedan suu trone de França, mes ne demoran pas jamei plan longtemps. D'intrigas  de palais en subitas mortas, de susmautas dinasticas en guèrras murtèras, qu'ei la valse deus reis maudits...
 
Suite: 
-La lei deus Mascles, episodi 4
-La loba de França, episodi 5
-Lo liri e lo lion, episodi 6
-Quan un rei que perdeish la França, episodi 7
 
La mia opinion: Qu'avanci dens aquera saga! Laboriosament, mes qu'avanci! Drin a drin deus escriuts, que i a un suspens que comença a pujar, qui'ns balha vertaderament enveja de léger la seguida. Dens aqueste tresau episodi, Clémence que devien reina de França en maridà's a Louis le Hutin. E curiosament qu'ei un parelh que fonciona de plan. Mes dab aqueste maridatge qu'ei l'oncle deu rei, lo senhor de Valois qui ved los sons projèctes deviener de mensh en mensh visiblas. En efeit, Clemence qu'ei tant piosa qu'influença lo son marit a estar mensh en colèra e a tornar véder los sons jutjaments, dont los contra Marigny e lo tesaur de la corona. ue's cncentram tanben un drin mei sus Philippe de Poitiers, lo hrair deu rei. Que recupera la soa hemna qui esto jutjada tà d'aver ajudat las damisellas de Borgonha a se trufar deus sons marits. Aqueste hrair qu'ei peu moment lo men personatge perferit, qu'ei un personatge que pensa, qu'ei pausat, qu'avem enveja deu har hidança. Que sap ço que i a de miei tau reiaume e que's demandam vertaderament perque n'ei pas l'ainat de la familha. Qu'avèm lo dret dens aqueste episodi au problèma en Artois enter Mahaut e Robert e deu hèit que tot pot estar hèit tà un territori. Que seguim tanben lo joen Lombard, qui vou se maridar dab la soa damisella, qu'ei ua nobla. Qu'ei un personatge que comença e me har cagar, que's balha aires que n'a pas e n'escota pas los que son mei vielhs. Que'm cau esperar qu'aquo va cambiar! En tot cas, la fin qu'ei interessanta, que'm tarde de poder descobrir com la corona va gavidar la crisi.